CONCERTO MAR DE VIGO 9/06/2023
Homenaxe a Carlos Oroza no seu centenario
Co motivo do centenario do nacemento do poeta Carlos Oroza, (13-05-1923) ofrecerase un concerto do cantautor Paco Ibáñez, que se celebrará no Auditorio Mar de Vigo o día 9 de xuño.
O concerto forma parte da xira que o cantautor está programando para este ano 2023 baixo no lema ¡Nos queda la palabra!, xira que o levará por diversas cidade europeas para rematar en París. Esta parada en Vigo constitúe unha oportunidade única para escoitar a voz dun dos cantautores máis comprometidos coa poesía e a liberdade quen, nesta ocasión, quere unirse á celebración do Centenario de Oroza participando desta homenaxe.
Previo ao inicio do concerto, a asociación Évame Oroza organizará un pequeno acto en recordo do escritor. Nel poderán escoitarse os seus versos nas voces de poetas galegos, así como a do propio Oroza, recollida nun vídeo no que recita un dos seus poemas máis emblemáticos. Nese mesmo acto, presentarase o libro Oroza 100, publicado pola asociación Évame Oroza, no que 100 personas dedicadas á cultura ou unidas a Carlos participan cos seus comentarios ou algunha aportación artística para manter viva a memoria de Oroza.
Tamén se poderán atopar na entrada ao auditorio algunhas pezas da exposición que recorda a vida e a obra do poeta.
Cabe sinalar que durante o concerto, o Paco Ibáñez interpretará varios temas en galego, musicando poemas de Celso Emilio Ferreiro e de Antonio García Teijeiro.
As entradas atópanse xa á venda na seguinte ligazón:
https://www.teuticket.com/es/ver/nos-queda-la-palabra,-centenario-carlos-oroza
