Día da Poesía: Equinoccio

Esta semana é moi especial para a nosa asociación xa que se celebra o Día da Poesía, aínda que nós vivimos todos os días do ano coa poesía! Pero imos festexar como corresponde! Este 21 de marzo (19:30 horas), acolleremos na asociación Évame Oroza unha das sesións de Animais Nocturnos que adoita celebrar O Fruto e a Serpe. Trátase dun recital con micro aberto que, nesta ocasión, contará con Nila Álvarez Pousa como poeta convidada. O tema será, como non, o Equinoccio.

Ao final da sesión, temos preparada unha bonita sorpresa para todas as persoas asistentes que desexedes ver como, ao seu debido tempo, a poesía sempre acaba por florecer.